Innikat ni US President Donald Trump iti pwesto ti Attorney General daytoy a ni Pam Bondi, sigun iti maysa nga opisyal ti White House kalpasan iti nababa a performance daytoy nangnangruna iti panangigemna iti kaso maipanggep iti pimmusay a sex offender a ni Jeffrey Epstein.
Sigun iti report, nadismaya ni Trump gapu iti nabuntog a panangigem ni Bondi iti kaso no sadino nairaman ti nagan daytoy.
Nagbalin a sentro ti kontrobersiya ti panangigem ni Bondi iti Epstein files no sadino inakusaranda daytoy dagiti dadduma a kaalyado ni Trump iti saan a naurnos a panangipablaak iti rekord seknan iti sex traffixking investigastion kontra kenni Epstein.
Posible met a mangitunda ti pannakaikat ni Bondi iti panagbaliw ti estratehiya ti Estados Unidos nangnangruna iti Justice Department pakairamanan ti adadda nga agresibo a panangaramat iti legal system kontra kadagiti kalaban ni Trump.
Naituding met a sumango ni Bondi iti hearing ti House Oversight Committee inton Abril 14 tapno aglawlawag seknan iti nasao nga isyu. //bombokaren.c.s
