Binilin ni US President Donald Trump ti panakaipatungpal ti airstrike iti Islamic State sadiay Northern Somalia, ti kaunaan a military operation daytoy iti ballasiw taaw kalpasan iti panagtakemna iti posisyon kas presidente.
Ti nasao nga airstrike ket impatungpal ti Navy ken Air Force warplanes a pakairamanan ti F/A-18 fighter jets.
Sigun kenni Defense Secretary Pete Hegseth, daytoy nga addang ket tapno mapakapsot ti Islamic State of Iraq and Syria wenno ISIS a mangisayangkat iti panagatake a mangpangpangta kadagiti tattao sadiay Estados Unidos.