Kinidaw ni United States President Donald Trump kadagiti pagilian a paset iti International Criminal Court (ICC) nga aglusulosda iti nasao a korte.
Daytoy ti nagbalin a paset iti pannaritana iti maika-81 United Nations General Assembly idiay New York itay kanikadua.
“I call on all nations that are members of the ICC to officially resign from this rogue institution immediately,” sigun iti nasao a lider.
Impetteng metlaeng ti nasao a lider a saan a palubosan ti Estados Unidos a maimbestigaran dagiti suldado ti Amerika nga usigen ti nasao a tribunal.
Malaksid iti dayta, inawagan ni Trump ti nasao a korte kas “out of control” nga institusyon ken grupo a bukbuklen dagiti dakkes a tattao.
Maipalagip a nabayeg a kritiko ni President Trump iti ICC. Immuna metlaeng nga inawagan ni US Secretary of State Marco Rubio dagiti dadduma a pagilian nga umatras dan manipud iti nasao a korte.
Saan a miyembro ti ICC ti Estados Unidos ken saan daytoy a niratipikaran ti Rome Statute, maysa a katulagan nga agserserbi kas basaran iti panangbukel iti nasao a korte.
