Impablaak ni US President Donald Trump ti baro a panangipatawna ti taripa iti innem a pagilian.
Impaayan ni Trump ti surat dagiti pagilian a kas ti Algeria, Brunei, Iraq, Libya, Moldova ken ti Pilipinas.
Nakalanad iti surat a 30% a taripa ti naipataw kadagiti produkto manipod Algeria ken Iraq, bayat a 25% met ti pagilian a Brunei, Libya ken Moldova ken ti Pilipinas ket 20%.
Epektibo ti nasao a taripa inton Agosto 1, 2025.
Ti nasao a surat ket kasaruno ti panagleppas ti siam nga aldaw a negosasion nu sadinno, mangrugin ti panag-levy ti agingga 10%.
Impaayan ni Trump dagiti lider ti nasao a pagilian tapno makinegosasion sakbay ti deadline inton Agosto 1.
Nupay kasta, impaganetget ni Trump nga awan ti extension paylaeng para kadagiti pagilian a nakaawat ti surat.
Maipalagip nga idi Lunes ket impataw metlaeng ni Trump ti 25% a taripa kadagiti produkto manipod Japan ken South Korea.
