--Ads--
Panggep ni United States President-elect Donald Trump a maideport wenno mapasubli amin nga iligal nga “immigrants” nga agnanaed idiay United States iti las-ud ti uppat a tawen a terminona.
Nupay kasta, kayatna ti maysa a katulagan tapno masalakniban dagiti maaw-awagan a “Dreamer” immigrants, kas maibasar iti sasaona iti maysa nga interview idi kalman.
Kinuna pay ni President-elect Trump a panggepna a maipatungpal ti “executive action” iti umuna nga aldawna iti opisinana tapno padasenna nga agpatingga ti birthright citizenship ti United States, maysa a karbengan a nagtaud iti pannakabalbaliw ti US Constitution.
