Kinnidaw ti kampo ni Veronica “Kitty” Duterte iti Korte Suprema nga aksyonanda ti petisyon dagitoy a mangkidkiddaw iti panagsubli ni sigud a president Rodrigo Duterte iti Pilipinas.
Iti 13-paged a motion to resolve, impetteng ni Kitty nga agarup 14 a bulanen a naipila ti kaso iti Korte Suprema ken innem a bulanen nga impilada ti umuna nga urgent motion dagitoy ngem agingga ita, awan pay laeng ti resulta daytoy.
Sigun kenkuana, ti saan a panagaksyon ti nasao a korte ket posible a mangitunda iti saan a panagtalek kadakuada ti publiko.
Iti nagsina a petisyon, kinnidaw metlaeng da Kitty, Davao City Mayor Sebastian “Baste” Duterte, ken Davao City 1st District Rep. Paolo “Pulong” Duterte a mapaawiden ni sigud a president Duterte iti Pilipinas.
Agtaltalianed a nakabalud ni sigud a president Duterte idiay The Hague, Netherlands para iti umadani a trial iti kaso daytoy. //bombokaren.c.s
