Binabalaw ni Vice President Sara Duterte ti Office of the President ti Pilipinas gapu iti maatap a naladaw a pannakaaproba ti travel authority daytoy a sigun kenkuana, nakaapekto iti biyahena.
Sigun kenni Vice Presidente Duterte, nagduadua daytoy nu maaprobaran ti travel authority isu’t gapunna a sigun kenkuana, binaliwanna ti travel plans daytoy.
Kinnidaw ti bise presidente iti Palasyo nga iti sumarsaruno ket sapsapaan dagitoy ti proseso kadagiti sumarsaruno a travel request na tapno maliklikan ti anyaman nga aberya.
Sigun met iti Malacanang, kadawyan a mapaspasamak ti napasamak iti kaso iti panangaprobar iti travel authority ni Vice President Sara no sadino bumayag pay iti lima nga business days tapno maiproseso ti nasao a kiddaw ket isu ti nasurot iti kaso ti travel authority ti bise presidente
Kabayatanna, nagkomento ti Palasyo seknan iti kiddaw ni Vice President Sara Duterte a ‘confidentiality’ maipanggep iti pannakaaproba ti travel authority daytoy gapu iti security concerns.
Sigun kenni Undersecretary Claire Castro, maysa a public servant ti bise presidente, saan a private individual isu’t gapunna a saan a mabalin nga ilimedna amin dagiti kayatna nga ilemmeng.//bombokaren.c.s
