Kinarit ni Manila 6th District Representative Benny Abante ni Vice President Sara Duterte nga agtestigo iti Kamara de Representantes ‘under oath’ wenno agtestigo a nakasapata iti sangwanan ti nasao a komite.
Daytoy ket tapno sungbatan ti bise presidente amin nga alegasyon kontra kenkuana, gapu ta sigun kenni Representative Abante, ti House Justice Committee ti umno a forum tapno sungbatanna dagiti maibatbato kenkuana nga alegasyon.
Impetteng ni Abante, kayatda laeng a maamwan ti kinapudno seknan kadagiti nasao nga alegasyon.
Sinublian ni Abante ti immunan a dinakamat ni Vice President Duterte a sangwenna dagiti alegasyon iti umno a forum.
Sigun iti mammanday-linteg, daytuyen ti gundaway ti bise presidente a sungbatanna dagiti alegasyon ken sangwen dagiti agakakusar kenkuana kas kenni Ramil Madriaga.
Impasigurado met ni mammanday-linteg a sidedengngegda iti anyaman nga ibaga ti bise presidente. //bombokaren.c.s