--Ads--
Nangipaay ti mensahe ni Vice President Sara Duterte kagiddan ti panagsarabo ti baro a tawen.
Sigun kenkuana, sangsangkamaysa a sanguen dagiti Pilipino dagiti karit ti tawen 2025 kalpasan a pinadas ti tawen 2024 ti kinatalged iti panagtakderda iti hustisia ken panagrang-ay.
Pinagyamananna dagiti Pilipino gapu iti panagregget nga ayaten ti Pilipinas.
Kinunana nga abrasaen ti baro a tawen nga addaan namnama iti likudan dagiti pannubok ken panagregget a makaipaay iti positibo a panagbalbaliw.
Para kenkuana, ti amin ket para iti Dios, dagiti tattao, ken tunggal pamilia a Pilipino.
