--Ads--
Impetteng ni Vice President Sara Duterte a saan daytoy a makipaset iti house hearing seknan iti pannakaaramat ti confidential funds iti opisinana inton Nobyembre bente.
Sigun kenni Duterte, saan daytoyen a makipaset iti sumaruno a panagdengngeg agsipud ta masaysayang laeng ti oras daytoy agsipud ta pinatugawda laeng daytoy ngem awan ti aniaman a dinamagda bayat ti napalabas a panagdengngeg idi napalabas a lawas.
Kinunana a mangipatulod daytoy iti surat ken mangisumitir iti affidavit seknan iti pannakaaramat ti confidential funds iti opisinana.
Maipalagip a personal nga inawat ni Duterte ti imbitasyon bayat ti House quad committee’s separate inquiry seknan iti drug war investigation iti amana a ni sigud a President Rodrigo Duterte.
