Kinarit ni Vice President Sara Duterte dagiti nangangato nga opisial ti gobierno a maipasidong dagitoy ti drug test.
Daytoy ket kalpasan ti panangbabalawna kenni President Ferdinand “Bongbong” Marcos Jr. itay laeng kallabes nu sadinno, kinunana a nakasaritana ti maysa a tao a mangpapatay iti Presidente no mapapatay daytoy.
Iti live video iti social media page idi malem ti Domingo, kinuna ni Vice Presidente Duterte nga us-usarenda daytoy dagiti kabusorna a mangilemmeng iti ar-aramiden dagitoy a korapsion.
Gapu iti dayta, kinaritna dagiti opisial ti gobierno pakairmanan ti opisina ti Presidente ken ti Kongreso a maipasidong iti drug test.
Dinakamat pay ni Duterte dagiti inkari ni Presidente Marcos Jr bayat ti kampaniada a kas iti P20 tunggal kilo a bagas a saan pay a natungpal.
Sigun kenni Duterte, rumbeng a tungpalen ni President Marcos ti P20 tunggal kilo a bagas gaputa daytoy ti inkarina kadagiti Pilipino isut rason a naibotos daytoy.
Maibasar iti datos ti Department of Agriculture (DA),maiparparangarang a ti presio ti local commercial rice idiay Metro Manila ket dumandanon manipod P40.00 agingga P61.00 tunggal kilo, ken ti imported commercial rice ket dumandanon manipod P40.00 agingga P63.00 tunggal kilo manipod idi Nobiembre 20, 2024.
Impakaamo ni Vice President Sara Duterte a pinadasna nga agtrabaho, ngem inusig ti Kongreso ti badyet ti Department of Education (DepEd), nga indauluanna agingga a nagikkat kas Education Secretary idi Hunio.
Sigun iti maikadua a presidente, nagtrabaho daytoy ngem binastosda ti pondo ti Department of Education.
Inlawlawagna a saannen a kasapulan ti ebidensia gaputa maimatangan iti General Appropriations Act, NEP, GAB ken iti BiCam.
Pinagyamananna met dagiti pasurotna a sumagmamano kadagitoy ket nangipatungpal ti misa iti Veterans Memorial Medical Center (VMMC) idiay Quezon City a nakaibaludan ti chief of staff-na a ni Undersecretary Zuleika Lopez.
