Manamnama nga agparang ni Vice President Sara Duterte sakbay a mangrugi ti preliminary investigation ti Department of Justice seknan iti kaso nga impila ti National Bureau of Investigation (NBI) kontra kenkuana maipapan iti panagpangta daytoy kada President Marcos Jr., First lady ken House Speaker Martin.
Immunan metten a kinumpirmar ni Prosecutor General Richard Anthony Fadullon a naituding ti preliminary investigation inton May 9 ken May 16, 2025.
Bayat ti nasao nga imbistigasyon, kasapulan a mangisumitir ni Duterte iti counter-affidavit daytoy.
Kabayatanna, maipalagip nga immunan metten a pinaglibakan ni Duterte ti pangta daytoy.