Naikan ni Vice President Sara Duterte iti agingga alas-syete ti rabii itan nga aldaw tapno mangisumitir iti pormal a sungbatna iti Articles of Impeachment a naipila kontra kenkuana.
Immunan nga impetteng ni Senate Secretary Jose Luis Montales a mabalin a mangisumite ti bise presidente iti sungbatna manipud alas-otso ti agsapa agingga alas-syete ti rabii ita nga aldaw babaen iti email, iti abogado na wenno personalna nga isumitir daytoy.
Kas panagsagana iti posible a personal a panangisumitirna iti dokumento, nilimitaran ti senado ti access kadagiti sumagmamano a paset ti senate premises tapno maliklikan ti gulo ken siksikan ti media.
Sigun iti advisory nga inpaulog ti senado, dagiti laeng otorisado nga opisyal ti impeachment court ken dagiti miyembro ti legal team ti bise presidente ti mapalubosan nga umuneg iti Office of the Senate Secretary iti maika-innem a kadsaaran no sadino pormal nga awaten ken iprosesoda ti nasao a sungbat.
Immuna metten nga inpanamnama ti legat team ti bise presidente a sungbatanda dagiti naituding a deadline para iti panangisumitir iti sungbat ti bise presidente seknan iti impeachment complaint.
Kabayatanna, pinaglibakan ni Senate President Alan Peter Cayetano dagiti alegasyon a konektado iti impeachment trial ti mosyon a panangamyendar iti Senate rules seknan iti remote participation dagiti senador.
