--Ads--
Inembetaran ti House good government ken public accountability committee ni Vice President Sara Duterte iti imbestigasyon seknan iti pannakaaramat ti pundo iti opisinana ken ti panagtakemna kas secretary iti Department of Education inton Nobyembre bente.
Personal met nga inawat ti bise presidente ti imbitasyon bayat ti House QuadComm investigation bayat ti administrasyon ti amana a ni sigud a President Rodrigo Duterte idi laeng kalman.
Malaksid iti dayta, inawagan pay ti House panel daytoy tapno kumpirmarenna no makitabuno daytoy wenno saan tapno masigurado a naurnos ti pannakipasetna.
