Pinaglibakan ni Vice President Sara Duterte dagiti amin nga alegasyon a naipila kontra kenkuana.
Daytoy ket pakairamanan ti saan nga umno a panakaaramat iti confidential fundsna gapu ta naituding nga ilawlawagna ti nasao a banag iti Commission on Audit.
Malaksid iti dayta, impeksa ti Vice President nga awan ti napasuksukan nga opisyales ti Department of Educations kasta met nga inlibakna nga adda iti nakadulin a kinabaknang ti Duterte family.
Maipapan iti panagpangta ni Duterte iti biag ni President Ferdiand Marcos Jr., inyunay-unayna a saan daytoy nga assasination plot.
Maipalagip nga idi kalman ket inawat ni Senate Secretary Renato Bantug Jr. ti Articles of Impeachment kontra kenni Duterte manipud kenni House Secretary General Reginald Velasco.
