Kidkiddawen ni House Deputy Speaker David Suarez ni Vice President Sara Duterte nga isardengnan ti saan nga umno a panangipakaammo iti publiko maipapan iti mapapati a korapson dagiti pannakabagi ti Kamara.
Impalagip ni Suarez kenni Duterte a ti pudno nga isyu a rumbeng a pagpokusan ket ti saan a nasayaat a pannakaaramat ti pondo ti Department of Education ken ti Office of the Vice President.
Sigun kenni Suarez, awan ti naduktalan ti Commission on Audit (COA) a mangibagbaga a ni Speaker Martin Romualdez wenno ti House of Representatives ket adda ti korapsionna.
Iti agdama, awan pay ti komento ni Vice President Sara seknan iti nasao a banag.
Maipalagip a naimpeach ni VP Duterte iti House of Representatives idi Pebrero a singko.
Naikeddeng met a sanguenna ti impeachment trial iti Senado.
