Impakaammo ni Atty. Paul Lim ti legal counsel ni Vice President Sara Duterte a saan a nakipaset ti bise presidente iti imbestigasyon ti National Bureau of Investigation ita nga aldaw seknan iti assassination threat daytoy kenni President Ferdinan Marcos Jr, First lady Liza Araneta-Marcos ken Speaker Martin Romualdez.
Immunan a naipaayan ni Duterte iti subpoena tapno ilawlawag ti pangta daytoy.
Kiniddaw pay ti bise presidente a maitantan ti nasao nga imbestigasyon tapno ipangpangrunana a pakipasetan ti panagdengngeg iti House good government panel’s inquiry seknan confidential funds iti opisinana.
Nupay kasta, kinanselar ti quad committee ti hearing dagitoy tapno maipaayan ti bise presidente iti gundaway a makipaset iti imbestigasyon ti National Bureau of Investigation.
Iti baet dayta, kinuna ni Lim, a naladaw a naawat ti bise presidente ti surat manipud iti House committee a nakanselar ti panagdengngeg rason a saan a nakipaset daytoy.
Kiddaw met ni Duterte a mairescheduled daytoy tapno makipaset iti nasao nga imbistigasyon.
Gapu iti dayta, impasigurado ti nasao nga opisina a patgan ti kiddaw ni Duterte kas panangsurot iti umno a proseso ken kas respito kenkuana kas maikadua kadagiti kangatuan nga opisyal iti Pilipinas.
