Dinutukan laeng ni President Ferdinand Marcos Jr. kas caretaker ti pagilian dagiti executive committee bayat ti overseas trip daytoy imbes a karman ditoy ni Vice President Sara Duterte.
Agserbi kas care taker dagiti executive committee babaen iti panangidaulo ni Executive Secretary Lucas Bersamin, Justice Secretary Jesus Crispin Remulla, Agrarian Reform Secretary Conrado Estrella III iti overseas trip ni President Marcos Jr. sadiay Laos para iti Association of Southeast Asian Nations summits.
Maipalagip a karaman kadagiti caretaker ti pagilian ni Vice President Sara Duterte kadagiti immun-una a panagbiahe ni President Marcos Jr. iti sabali a pagilian.
Nupay kasta, saan daytoyen a karaman ita kas caretaker iti kaunaan a gundaway.
Kabayatanna, immuna metten a kinuna ti Bise Presidente a saanda nga aggayyem kenni Marcos ken saanen a pulos a mangbukel manen ti aliansa iti pamilia Duterte ken Marcos.
