--Ads--
BAGUIO CITY – Nangaramid ti Department of Education (DepEd)-Benguet iti canned video resource material a mangitaltal-o iti mental health para kadagiti estudyante nga apektado iti agdama a krisis gapu iti COVID-19 pandemic.
Naawagan daytoy a Project SAGANA no sadino, impablaaken ti DepEd-Benguet ti kaunaan nga episode daytoy nga addaan topiko a coping ken adapting iti new normal ken daytoy ket addaan iti bersion iti Ibaloi, Kankana-ey ken Iloko.
Manamnama a mangited dagiti video clips iti mental health information ken practical tips a makatulong iti panakapatibker ti well being, resiliency ken mental health ti estudyante kabayatan ti agdama a pandemya gapu iti COVID-19.
