BAGUIO CITY – Nasarakan ti maysa a vintage bomb sadiay Sitio Palpaltugan, Paco,Mankayan, Benguet idi kanikadua.
Sigun kenni PCI Ronnie Albino, dadaulo ti Mankayan Municipal Police Station, ti nasao a bomba ket addaan iti kaatiddog a 3’9″ ken kadakel a 2’11” a mapattapatta a naikali ken nababay-an kabayatan ti World War II.
Kinunana a nasarakan ti vintage bomb iti masukupan ti daga ni Mr. JoJo Cayatoc, 42-anyos ken maysa a karpentero.
Maibasar iti report, agkalkali dagitoy iti nasao a daga idi aksidente a nasarakanda ti nasao a bomba isut gapuna a dagusda daytoy nga impakaammo iti Mankayan PNP.
Iti agdama ket temporaryo a naidulin ti bomba iti Mankayam PNP bayat a maur-uray ti panakaipaima daytoy iti Explosive and Ordnance Division ti Regional Public Safety Battalion sadiay Camp Bado Dangwa.
