BAGUIO CITY – Panggep ti DOLE-Cordillera a mangisayangkat ti virtual Job Fair kabayatan ti selebrasyon ti Labor Day inton Mayo 1 ti agdama a tawen.
Sigun kenni DOLE CAR Regional Director Nathaniel Lacambra, manarimaan ti koordinasyonda kadagiti nagduduma nga ahensiya, asosasyon ken kompanya nga interesado a makipaset iti nasao nga aktibidad.
Inlawlawagna a babaen iti daytoy ket matulungan dagiti indbidual nga agsapsapul ti panggedan ken dagiti naawanan ti trabaho gapu paylaeng iti mapaspasaran a pandemya.
Mainaig iti daytoy, imbinglayna nga agtultuloy ti panagwanawanda iti komunidad a pakaangayan ti livelihood assistance program nga ipaay ti ahensiya.
Inayonna pay a nakalukat ti opisina ti DOLE a mang-akomodar ken mangipaay ti tulong kadagiti indibidual nga agkasapulan ti serbisyo dagitoy.
