--Ads--
Emosyonal nga inaklon ni Vlogger Jeraldine Blackman a nagsina dagitoyen iti asawana a ni Joshua Blackman.
Pagaammo dagitoy iti social media account-da a The Blackman Family.
Nupay kasta, kinuna ni Jeraldine nga agtaltalinaed dagitoy nga agbarkada kenni Josh ken agtinnulong dagitoy a mangpadakkel kadagiti annakda a da Jette ken Nimo.
Sigun kenni Jeraldine, nagbiruk laeng daytoy iti gundaway sakbayna nga impablaak ti relasyon dagitoy nga agasawa.
Nagkiddaw met daytoy iti panagyaman nangruna dagiti mangsupsuporta kadakuada ken nagkiddaw pay daytoy iti pammakawan iti napasamak kadakuada.
Maipalagip a nakabase dagitoy sadiay Sydney, Australia ken pagaayat ti publiko a buybuyaen ti wholesome family content dagitoy iti social media.
