Impetteng ni pannakangiwat ti Senate impeachment court idi kalman a saan a mabalin a piliten ni VP Sara Duterte nga umatendar iti bukodna a trial gapu ta adda ti karbenganna kontra iti self-incrimination.
Iti maysa a press conference, kinuna ni Atty. Reginald Tongol nga adda ti desisyon keni VP Duterte nu boluntaryo daytoy nga agatendar iti impeachment trial na ken saan a mabalin a mapilit daytoy.
“Tama po. Cannot be compelled to attend, one because meron po siyang rights against self-incrimination under the Constitution,” sigun kenni Atty. Tongol.
Maipalagip a saan nga inmatendar ni VP Sara Duterte iti umuna nga aldaw ti impeachment trial daytoy idi kalman idiay senado.
Nupay kasta, inbagi daytoy ti defense team nga indauloan ni Atty. Sheila Sison no sadino impettengda a dagiti Articles of Impeachment kontra iti bise-president ket ‘infirm, defective, ken substantively deficient”.
Malaksid iti dayta, kiniddawda ti pannakadismiss ti kaso kontra kenni VP Sara. //bombokaren.c.sapirao
