Imbutaktak ni Anti-Money Laundering Council (AMLC) Executive Director Ronel Buenaventura a nairekordb ti agarup P4.4 billion ti covered ken mapagduaduaan a transaksyon iti bank account ni Vice President Sara Duterte ken ti asawana a ni Atty. Manases Carpio.
Manipud iti P4.4 billion, pinaneknekanna a P1.63 billion ti inflows bayat a P1.3 billion ti outflows.
Innayon ni Buenaventura nga adda ti P1.4 billion a balor dagiti covered ken mapagduaduaan a transaksyon ngem saan a mabigbig no mano ti gatad ti kuarta nga inflows ken outflows.
Malaksid iti dayta, adda metlaeng ti P5.3 billion a gatad dagiti covered ken mapagduaduaan a transaksyon a nakairamanan ti 15 a firms nga addaan interes iti negosyo da Duterte ken Carpio.
Kabayatanna, impeksa ni Buenaventura iti House justice panel a subject ti bise presidente iti 27 a mapagduaduaan a transaksyon reports nga insubmitir dagiti covered institutions manipud Agosto 2024 agingga Enero 2026 mainaig iti maatap a drug trafficking, graft and corruption, ken malversation of public funds and property.
Daytoy ti kinuna ni Buenaventura kabayatan ti maika-33 nga aldaw ti impeachment trial ni Vice President Sara Duterte idi Oktubre 05, 2026.
