Inwaragawag ti abogado ti journalist a ni Philip Lustre Jr. a ni Vice President Sara Duterte ken ti asawa daytoy a ni Atty. Manases Carpio ti adda iti likudan ti pannakaarestar ni Lustre gapu iti reklamo a cyberlibel.
Sigun iti abogado ni Lustre a ni Atty. Dino De Leon , impila dagiti agassawa a Duterte ken Carpio ti reklamo iti Davao City Regional Trial Court.
Naaretar ni Lustre idi Sabado sadiay Quezon City kalpasan a naakosaran a nangipablaak iti statement iti social media a mangitudtudo iti maatap a krimen nga inaramid ni Carpio idi Marso 6, 2026.
Maipalagip a ti 72-anyos a journalist ti nangisurat iti libro a Kill, Kill,Kill a maipapan iti war on drugs ti administrasion ni sigud a president Rodrigo Duterte.
Nabayag metlang daytoy a kritiko dagiti Duterte.
