Kinuwestiyonaran ti Malacañang no nasimbeng ti panagpampanunot ni Vice President Sara Duterte idi kiniddawna ti panaglusulos iti pwesto ni President Ferdinand Marcos Jr. idi September 11, 2026.
Sigun kenni Palace Press officer Atty. Claire Castro, posible a resulta daytoy ti sleepless nights ken anxiety ti bise presidente isu’t gapuna a saan a makapununot iti nasayaat.
Kinuwestiyoran metlaeng ni Atty. Castro no kayat a dagus ti bise presidente nga agtugaw iti pwesto.
Innayuna nga idi paylaeng ket nalawag ti plano ti kampo ti bise presidente ngem saannan nga inlawlawag ti maipapan iti daytoy.
Gapu iti dayta, kiniddaw ni Atty. Castro kadagiti Pilipino nga ammuen a nasayaat no asino ti pudno a lider para iti pagilian a Pilipinas, ken no anya a lider ti para iti bukodna laeng a bagi.
