Kinumpirmar ti kampo ni Vice President Sara Duterte nga adda daytoy sadiay The Hague, Netherlands.
Daytoy ket kagiddan ti manarimaan nga impeachment trial-na iti Senado.
Sigun iti defense team, naipakaammo iti bise Presidente ti nagbalin a desisyon ti Senate impeachment court a maipaulog ti subpoena para iti financial records dagitoy ken ti asawana a ni Atty. Manases Carpio.
Maipalagip nga immunan nga iwaragawag ti Office of the Vice President (OVP) nga adda iti ballasiw taaw ni VP Sara manipud Hulyo 16 agingga Hulyo 31, 2026.
Sigun iti OVP, personal ti biyahe ti Bise presidente iti Europa ken awan ti inaramatna a pondo ti gobierno para iti daytoy.
Innayon ti opisina a makipagkita ni Duterte kadagiti overseas Filipinos iti panagbisitana sadiay.
Kabayatanna, kinumpirmar ti Palasyo Malacañang nga impaayanda ni Sara Duterte iti travel authority para iti personal trips daytoy sadiay Qatar, Germany, United Kingdom, ken Northern Ireland.
