Impetteng ni Atty. Edgar Avilla, Legal Luminary ken sigud a College Dean ti Saint Louis University (SLU) School of law a nasayaat no kinomprontar ni Vice President Sara Duterte ni Ramil Madriaga, Anti-Money Laundering Council (AMLC) ken ni sigud a Senator Antonio Trillanes tapno malawlawagan dagiti reklamo iti impeachment complaint kontra kenkuana.
Iti pannakiuman ti Bombo Radyo kenni Atty. Avilla, kinunana a ti Betrayal of Public Trust ti kadagsenan a reklamo kontra iti bise presidente.
Inlawlawagna a daytoy ti katibkeran agsipudta, karaman ditoy ti bribery, panangbutbuteng ken graft and corruption.
Kabayatanna, impetteng ni Atty. Avella a nasaayat ti addang ti kongreso seknan iti saanda a panaglukat iti green box a nagtaud iti Bureau of Internal Revenue (BIR).//mp4
