Inyunay-unay ni Presiding Officer Francis “Chiz” Escudero a saan a mabalin a mapilit ni Vice President Sara Duterte a sumungbat iti kiddaw ti prosecution panel nga aklunenna ti nasurok 100 a bank records a nainaig kenkuana bayat ti agtultuloy nga impeachment trial.
Sigun kenni Presiding Officer Francis “Chiz” Escudero, adda ti karbengan ti Bise Presidente kontra iti self-incrimination a garantisado ti Konstitusion.
Impeksa ni Escudero a ti panangipaay iti nadakamat a kiddaw ket posible nga agtestigo ni Duterte kontra iti bagi daytoy.
Maipalagip nga immuna nga insingasing ni Prosecutor ken Akbayan Party-list Rep. Chel Diokno iti stipulation no sadino, bigbigen ti depensa ti kinapudno dagiti bank records manipud iti sumagmamano a banko.
Sigun iti prosekusion, makatulong daytoy tapno saanen a mangidatag iti 10 agingga iti 20 a testigo ken napartak a trial.
Nupay kasta, kinontra daytoy ti defense panel.
