Kinumpirmar ni Philippine National Police chief Police General Jose Melencio Nartatez Jr. nga awan ti in-report ni Vice President Sara Duterte iti PNP a makaaw-awat daytoy ken ti pamilyana iti pangta.
Daytoy ti kinuna ni Nartatez sumagmamano nga oras kalpasan a kinuna ni Duterte a makaaw-awat iti pangta ken harassment sipud idi 2023.
Innayunna pay a pagdandanaganna ti siguridad dagiti annakna.
Impakaammo daytoy ti bise presidente iti panagpiyansa iti Quezon City court, maysa aldaw kalpasan a naipaulog ti arrest warrant kontra kenkuana gapu iti kaso a grave threats.
Kabayatanna, inkari ti PNP Chief nga imonitorda ti sitwasyon seknan iti dinakamat ni VP Duterte ken silulukat dagitoy iti report wenno anyaman na statement seknan iti pangta a maaw-awat daytoy.
Nupay kasta, kinuna ti PNP nga awan ti namonitorda a pangta kontra iti bise presidente ken ti pamilyana.
