Nangipila ni Vice Presidente Sara Duterte iti maikadua a reklamo a perjury kontra kenni Ramil Madriaga.
Sigun iti Office of the Vice President (OVP), personal a nagturong ti bise presidente iti Taguig City Prosecutor’s Office tapno mangipila iti nasao a reklamo.
Kinandwaan daytoy ti personal legal counsel daytoy a ni Atty. Paolo Panelo.
Inakusaran ti nagpa-amammo kas sigud a bagman ni VP Sara a ni Ramil Madriaga a dagiti drug dealers ken Philippine offshore gaming operators (POGO) operators ti mangpunpundo iti kampanta ni VP Sara nga “Inday Sara Duterte is My President (ISIP) Pilipinas.”
Malaksid iti dayta, kinunana pay a binilin daytoy ni Colonel Dennis Nolasco ken Colonel Raymond Lachica a mangitulod iti uppat a duffel bags nga naglaon iti sag-P35 million iti nagduduma nga indibidual, banag a nainget a pinaglibakan ni VP Sara ken ni Lachica.
Immunan nga impila ni VP Sara ti umuna a perjury complaint kontra kenni Madriaga idiay Taguig City Prosecutor’s Office no sadino impetengna a saan kuma a matikaw ti publiko kadagiti ulbod a naratibo. //kcs//