Impetteng ti Ombudsman a saan nga indeklara ni Vice President Sara Duterte ti shares of stock dagiti negosiona wenno interesda kenni asawana a ni Atty. Manases Carpio iti Statements of Assets, Liabilities and Net Worth (SALNs)-na para iti 2007, 2009 agingga 2012, ken 2016 agingga 2025.
Kinumpirmar ni Officer-in-Charge (OIC) iti Central Records Division for the Office of the Ombudsman Atty. Karen Batu nga awan ti nakadeklara a share of stocks ni VP Sara iti 2007 kasta met idi 2009.
Nupay nagdeklara iti sumagmamano a business interests ken financial connections ti Bise Presidente iti SALN-na, saanna met nga indeklara ti gatad iti share of stocks-na kadagiti negosiona.
Karaman kadagiti business interests ken financial connections nga indeklara ni Duterte iti SALN a saklaw kadagiti tawen a nadakamat ti 18 a negosio.
Bayat met iti trial, impeksa ni pro-bono private prosecutor Atty. James Bryan Ibrahim Alih a kasapulan a maideklara iti share of stocks kas personal property iti SALN no sadino imbinglayna pay nga mabasa daytoy iti Section 8 iti Code of Conduct and Ethical Standards for Public Officials and Employees.// Bombo Khey Reparip
