BAGUIO CITY–Mangisayangkat iti wage orientation ti Department of Labor and Employment ken ti Regional Tripitite Wages and Productivity Board- Cordillera kadagiti amin a probinsia iti rehion.
Sigun kenni RTWPB Secretary Augusto Aquillo, kasapulan a mangipatungpal dagitoy iti wage orientation tapnu maipakaawat kadagiti amin a mangmangged ken agpatpatiged ti implementasion ti baro a wage order nga epektibo iti Agosto 20.
Kinunana nga awan ti rason dagiti employer iti saanda panangipatungpal dagitoy iti baro a wage order gaputa saanda nga agkurkurang iti umno nga impormasyon.
Naituding ti wage orientation inton Agosto 30 sadiay Apayao, Agosto 31 sadiay Abra, Setyembre 6 iti Baguio ken Benguet, Setyembre 19 sadiay Kalinga, Setyembre 20 sadiay Ifugao, ken Setyembre 21 sadiay Mt. Province.
Maipalagip nga nagbalinen P320 ti minimum wage iti innaldaw partikular kadagiti negosyo nga addaan iti nasurok sangapulo nga empleado.
