--Ads--
BAGUIO CITY – Nakemmeg ti maysa a waitress kalpasan a nangilako iti iligal a droga sadiay Buguias, Benguet
Nabigbig daytoy a ni Retchie Nacional Marcelino alyas Cheryl, 41-anyos, maysa a waitress, tubo iti Urdaneta Pangasinan ken residente iti Abatan, Buguias.
Maibasar ti report, nangilako ni Marcelino iti maysa a pakete ti shabu nga aggatad iti P748 iti maysa nga operatiba a nagpamarang kas buyer.
Iti agdama, adda ita ti suspek iti kustudiya ti Buguias MPS para iti dokyumentasyon ken sumangsango iti kaso a pananglabsing ti RA 9165 wenu iti Comprehensive Dangerous Drugs Act of 2002.
