--Ads--
BAGUIO CITY – Nangisayangkat iti ‘walk through’ dagiti kameng ti Philippine National Police a mangipaay iti seguridad iti maangay nga alumni homecoming ti Philippine Military Academy inton Pebrero 18.
Sigun iti Cordillera PNP, dumanon iti 485 a pulis ti agbantay iti nasao nga aktibidad a pagserbian ni Presidente Rodrigo Duterte kas guest of honor.
Agtaud dagiti 284 a pulis manipud iti Baguio City Police Office, ti 81 ket iti Regional Public Safety Company ken dagiti 120 ket Field Training Police.
Kinuna met ni PCSupt. Elmo Francis Sarona, dadaulo ti Cordillera PNP nga iti agdama ket “all set” ti plano para iti seguridad ti nasao a homecoming ti akademya.
Mangrugi ti deployment dagiti agbantay a pulis inton bigat agingga iti aldaw ti Domingo.
