Impeksa ti maysa a jeepney ken taxi operator a kayatna nga ipadanon kadagiti lokal a gobyerno ti singasingna a pannakabukel met kuma iti Walk Fast Ordinance.
Iti pannakiuman ti Bombo Radyo kenni Rogel Canao, kinunana a gapu iti kumarkaro a sitwasyon iti trapiko, nasayaat metlaeng nga adda iti maawagan a Walk Fast Ordinance.
Inlawlawagna a nu nabuntog ti panagballasiw dagiti tattao, maurnong dagiti lugan kadagit kalkalsada.
Impeksana a saanda met mabalin a mabusinaan dagitoy gapu iti King of the Road ordinance.
Innayonna met a saanna kayat a sawen a kasapulan nga agtaray da ngem agawaanda basit ti panagballasiw iti kalsada ken liklikanda ti pagaramat iti cellphone kadagiti pedestrians.
Kinnidaw met daytoy ti tulong dagiti traffic enforcers tapno maiwanwan dagiti draybers kadagiti kalkalsada gapu ta innaklonna nga adda dagiti dadduma a drivers nga awan disiplina na ken saanda pay laeng nga ammo dagiti dadduma a pagalagadan kadagiti kalkalsada.
