--Ads--
Pimmusay dagiti walo nga indibidual bayat nga adda iti critical a kondisyon dagiti walo kalpasan a naidungpar ti nagluganan dagitoy a bus idiay Florida United States of America.
Maibasar iti report, paawid dagiti biktima manipud iti maysa a melon farm, nupay kasta saan dagitoy a namnamaen ti nasao nga insidente.
Dagus met a naireport isu’t gapuna a dagus met a nagresponde dagiti otoridad sadiay.
Gapu iti daytoy, temporaryo paylaeng a nagrekep ti nasao a farm.
Kabayatanna, kiniddaw met ti nasao a farm ti kararag para kadagiti pamilya dagiti biktima iti daytoy.
Maipalagip a pakabuklan a lima pulo ket tallo ti linaon ti nasao a bus.
Iti agdama, manarimaan paylaeng iti imbestigasyon iti rason iti nasao nga insidente.
