Impetteng ti defense counsel wenno legal representative dagiti biktima iti maatap nga extrajudicial killing ti war of drug campaign ni sigud a president Duterte a ti Oplan Tokhang wenno kampanya na kontra iti droga ket saan a pudno a kontra iti droga nu di ket kontra kadagiti marigrigat a Pilipino.
Insalaysay ti Pilipino nga abogado a ni Atty. Gilbert Andres, maysa kadagiti defense counsel dagiti biktima a kaadwan kadagiti target ti nasao a kampanya ket dagiti low-income families.
Kagiddan daytoy, insalaysayna dagiti sumagmamano nga statements dagiti sumagmamano a pamilya dagiti biktima maipanggep kadagiti nasaksianda nga insidente iti war on drugs campaign no sadino sigun kenni Atty. Andres, mangipakita iti naranggas a pannakaipatungpal ti nasao a kampanya. //BomboKCS
