BAGUIO CITY – Inruaren ti Regional Trial Court, First Judicial Region, Branch 5 ti Baguio City ti dagiti warrants of arrest kontra kadagiti ennem a mapapati a suspek iti panakamalmaltrato a nagresulta iti pannakatay daydi PMA Cadet 4th Class Darwin Dormitorio idi Setyembre 18, 2019.
Nairuar idi kalman dagiti warrants of arrest kontra kadagiti kadete a da Shalimar Imperial Jr., kenni Felix Lumbag Jr. gapu iti kaso dagitoy a panaglabsing iti RA 11053 wenno Anti Hazing Act of 2018 ken ni Julius Tadena a sumangsango iti kaso nga hazing ken less serious physical injuries.
Awan ti nairekomendar a piyansa da Imperial kenni Lumbag bayat a naituding nga agpiyansa iti sag-P200,000 dagiti tallo pay a suspek ken miyembro ti Philippine Military Academy Station Hospital a da Captain Flor Apple Apostol, Major Maria Ofelia Beloy kenni Liutenant Col. Ceasar Candelaria iti kaso dagitoy a murder.
Ti warrant of arrest dagiti ennem a suspek ket sinertipikaran ni Judge Maria Ligaya Itliong- Rivera, ti abogado a mangas-asikaso iti Dormitorio Case.
Maipalagip a pimmusay ti 20-anyos a ni Dormitorio gapu kadagiti serye ti panagdanug kenkuana no sadino dua a daras daytoy a na-confine iti PMA Station Hospital ken nakitaan ti bagi daytoy iti sintomas ti hazing.
