Impaulog ti Sandiganbayan Second Division ti warrant of arrest ken hold departure kontra kenni Senator Jinggoy Estrada ita nga aldaw, May 29, 2026.
Daytoy ket gapu iti maatap a kickbacks manipud kadagiti flood control projects.
Maipalagip nga iggem ti Second Division ti kaso a graft nga impila ti Office of the Ombudsman kontra kenni Estrada ken dadduma pay nga indibidual.
Mainaig iti dayta, subject para iti warrant of arrest ni sigud a Department of Public Works and Highways Secretary Manuel Bonoan.
Naituding ti piyansa a P90,000 para iti tunggal akusado.
Kabayatanna, sumangsango metlaeng ni Estrada iti plunder gapu iti mapapati a panangibulsana iti P573 million a kickbacks kadagiti sumagmamano nga infrastructure projects iti pagilian.//