Naballaagan dagiti water delivery companies iti siudad ti Baguio nga agsingsingir ti nangato a presyo ti danum kadagiti residente a pagideliveranda.
Iti panakiuman ti Bombo Radyo kenni Baguio City Mayor Benjamin Magalong,binilindan dagiti agtagikua kadagiti water delivery services a saandan nga ingato pay ti presyo ti danum ken surutenda ti Php40 agingga Php45 a presyo iti tunggal drum itidagitoy.
Ti panakaipaay ti warning ket kasaruno ti naawat dagiti maseknan nga opisina a report manipod kadagiti sumagmamano a residente a nasingir ti Php80 ken nangatngato pay a presyo ti tunggal drum ti danum nga impadeliver dagitoy.
Kagiddan dayta, impaganetget ti mayor a masapol a kitaen dagiti residente dagiti water delivery firms nga agsingsinger ti nangatngato ngem iti naituding a presyo ti tunggal drum ti danum tapno nalaka laeng a masarakan dagitoy.
Impasiguradona pay a saanda nga agdudua nga iparekep dagiti aglabsing a water delivery companies.//Bombo Jez Lapizar
