Naipatungpal ti Benguet Weavers Profile and Needs assessment kagiddan ti Weaving Forum sadiay Ben Palispis Hall, Benguet Capitol idi July 28, 2026.
Sigun kenni Jessie Cris Lahboy, manipud DTI Baguio-Benguet, naipatungpal ti profiling tapnu maammuan ti bilang dagiti weavers manipud iti nagduduma a munisipyo ti probinsya ti Benguet.
Malaksid iti dayta, panggep daytoy a magun-od dagiti impormasyon a kasapulanda kas iti lokasionda, kangrunaan a produkto a mapatpataud, average a kapasidad ti produksion iti las-ud ti maysa a bulan, dagiti kangrunaan a raw materials a nausar, pagtaudan ti raw materials, ken nu inya dagiti assistance a kasapulan dagitoy.
Babaen iti nasao nga addang, makita ti gobierno nu inya dagiti programa a nasken nga aramidenda para iti weaving industry.
Impeksana ni Lahboy a napateg daytoy para iti pannakaaramid ti mapagtalkan a database ti industria, mapapigsa dagiti tradisional weaving communities, maitandudo ti panagbalbaliw ken panagdur-as ti produkto, panangpasayaat iti market competitivesness, panangpreserba iti tawid a kultura, support evidence-based planning ken policy development.
Malaksid iti dayta, agserbi pay daytoy kas foundation para iti long-term industry development.//Bombo Noveh Organo