--Ads--
BAGUIO CITY – Nakemmeg sadiay Barangay Irisan, Baguio City ti maysa a welder gapu iti maatap a panangramesna iti bukodna nga anak iti namin ado a daras.
Maibasar iti report ti Baguio City Police Office Station 9, agtawen ti suspek iti 38-anyos ken residente iti nasao metlaeng a lugar.
Maibilbilang daytoy kas number 1 most wanted person ti Station 9 ken number 4 most wanted person iti siyudad.
Nakemmeg daytoy babaen iti bileg ti warrant of arrest nga impaulog ti Baguio City Regional Trial Court gapu iti walo a kasona nga statutory rape.
Awan ti nairekomendar a piyansa para kenkuana.
Iggem ita ti Police Station 9 ti suspek para iti dokumentasyon sakbay a maipaima iti korte.
