Idagdagadag ti Independent Commission for Infrastructure (ICI) dagiti whistleblowers ti naanomalyaan a flood control projects nga ibutaktakdan dagiti “masterminds” iti flood control scam.
Sigun iti ICI, makatulong daytoy a mangpatibker iti kaso kontra kadagiti high-ranking government officials ken lawmakers a karaman iti flood control corruption scandal.
Iti agdama, uppat a case recommendations ti insubmitir ti ICI iti Office of Ombudsman kontra kadagiti opisial ken empleado ti DPWH.
Karaman ditoy dagiti District Engineering ken Regional Offices, kontraktor, sumagmamano a senador, sigud a house lawmakers ken dadduma pay.
Kabayatanna, impaganetget ni ICI Chairperson Andres Reyes Jr. nga ar-aramiden ti ICI ti amin a kabaelanna a mangipila iti case referrals iti kabiitan a panawen.
