Impetteng ni Army Colonel Manaros Boransing II a saan daytoy a nakaawat iti anyaman a gatad manipud iti confidential fund ti Department of Education bayat a ni VP Sara ti nagtugaw kas DepEd Secretary, para iti pannakaipatungpal ti agarup walo a leadership seminars idiay Mindanao idi 2023.
Sigun kenni Boransing, nupay kaduada ti Department of Education (DepEd) iti panangipatungpal kadagiti Youth Leadership Seminars (YLS) , awan ti ammo daytoy nu kasano a naipaay ti budget kadagiti nasao nga aktibidad.
Maysa ni Borasing kadagiti military officials a nangi-issue iti military certifications idi Enero 2024, no sadino naipaulog daytoy babaen iti request ni sigud a DepED Undersecretary Michael Poa, nga itan ket maysa kadagiti defense counsels ti bise presidente.
