Opisyalen a naiyuwsat ti World Ikat Textiles Symposium iti Baguio Convention and Cultural Center iti siudad ita nga aldaw.
Nakipasetan met dagitoy da mayor Benjamin Magalong ken dagiti sumagmamano a delegado ken participants manipud iti Pilipinas ken iti nagduduma a pagilian.
Naituding nga agleppas met daytoy agingga inton Disyembre sais.
Panggep daytoy nga aktibidad a malagip ken marambakan ti nabaknang a heritage ti ikat tradition ken tapno mapakaammuan ken maisuruan ti publiko sekan kadagiti nagduduma nga ikat traditions iti intero a lubong.
Ti nasao nga aktibidad ket pakabuklan iti sangagasut a naidumduma nga ikat traditions manipud kadagiti dua pulo a pagilian.
Dagiti pagilian a karaman iti daytoy ket pakairamanan ti Pilipinas, Thailand, Malaysia, Indonesia, Cambodia, Laos, Mexico ken dadduma pay.
Kabayatanna, maal-allukoy ti publiko a makipaset iti nasao nga aktibidad.
