BAGUIO CITY – Maisayangkat ti maysa a youth summit ditoy siudad ti Baguio inton December 12-13 sadiay Baguio Convention Center.
Angayen daytoy ti lokal a konseho ti siudad partikular ti Committee on Social Services, Women and Urban Poor ken Committee on Youth Welfare and Sports Development.
Panggep ti nasao a summit a papintasen ti leadership skills dagiti agtutubo ditoy siudad babaen iti character building ken entrepreneurial development.
Tarigagayda ti panaka-adda ti community-based activites a mangitaltal-o iti positibo a panagbiag ti komunidad ken dagiti agtutubo.
Kinuna met ti Secretary to the Sangguniang Panlungsod Brenner Bengwayan a babaen iti nasao a summit ket makaalada iti inputs ken feedbacks manipud kadagiti agtutubo tapnu matulungan ti lokal a konseho a mangbukel iti linteg a makatulong kadagitoy.
