--Ads--
Impakaammmo ni Interior and Local Government Secretary Jonvic Remulla nga adda ni Zaldy Co sadiay Paris ken agdama nga agnanaed iti 10-bedroom house, partikular iti Champs-Élysées Avenue.
Sigun kenni Remulla, adda ti balay ni Co sadiay Paris nga agatad iti agarup 200 million dollars wenno euros.
Kabayatanna, inyebkas ni Remulla ti panagtalekna a makemmeg ni Co sakbay nga ikeddeng ti France ti aplikasionna iti asylum.
Daytoy ket kalpasan a nagaplikar ti gobierno ti Pilipinas para iti Interpol red notice kontra kenni Co idi paylaeng September 2025.
Maipalagip a naipaulog ti arrest warrants kontra kenni Co gapu iti maatap a pakainaigana iti naanomalyaan a flood control projects iti pagilian.
