Plano ti Office of the Ombudsan a dagos nga ipa-subpoena ni Zaldy Co apaman a makasubli daytoy iti Pilipinas.
Sigun kenni Ombudsman Jesus Crispin Remulla, nasken nga ilawlawag ni Co ti pakainaiganna iti flood control scandal iti pagilian ken sungbatan daytoy dagiti alegasyon kontra kenkuana.
Innayon daytoy a napateg ti pannakaipasidung ni Co iti Ombudsman tapno agtuliden ti imbestigasyon dagiti kaso seknan iti naanomalyaan a flood control projects iti pagilian.
Sumangsango ni Co ti kaso a graft ken malversation gapu iti naduktalan a naanomalyaan a flood control project a direkta nga intudoda kenkuana.
Iti agdama, saan pay a nalawag no sadino ti ayan ni Co iti baet nga immunan nga inyanunsyo ni President Ferdinand Marcos, Jr. a naharang daytoy dagiti immigration officials idiay Czech Republic idi nalapabas a lawas.
Adda metten idiay dagiti kameng ti Department of Justice Secretary Frederick Vida tapno kumpirmaren dagiti nasao a report ken asikasuen ti posible a panangpaawide kenni Co iti pagilian a Pilipinas. //bombokaren.c.s
