Pormal nga insubmitir ti City Budget Office ti 2026 Local Expenditure Program (LEP) iti Sangguniang Panlungsod, a mangikeddeng iti direksion para kadagiti fiscal priorities ken development agenda ti Baguio City para iti sumaruno a tawen.
Ti pakabuklan a singasing a pondo para iti Fiscal Year 2026 ket aggatad ti ₱3,651,592,560.00, a nakalatang tapno mapapigsa ti panagturay, mangpasayaati social welfare, ken masustinir ti panagdur-as ti ekonomiya.
Iti nasao a pondo, dumanon iti ₱866,489,500.00 wenno 23.73% para iti General Public Services; ₱1,227,603,000.00 wenno 33.62% para iti Social Services; ken ₱378,694,000.00 wenno 10.37% para iti dadduma a serbisyo.
Ti naisingasing a badyet ket mangipaganetget ti panagkumit ti lokal a gobierno ti siudad nga ag-invest kadagiti programa a mangpasayaat iti pannakaipaay ti serbisio publiko, mangitandudo iti social equity, ken mangpataud iti nasaysayaat nga aglawlaw para iti ‘inclusive’ ken ‘sustainable growth.’
Kas maitunos iti Section 318 ti Local Government Code, rumbeng nga isubmitir ti Local Chief Executive (LCE) ti singasing nga Executive Budget iti Sanggunian sakbay iti Oktubre 16 iti tunggal tawen.
